Nashville (baptized 71, member 120): January 4, 2014, in Pa Lam Dal inn ah mi 6 tawh group in na kikhawm uh hi. July 16, 2016, ciang Atlanta te kiang kipai in amau tawh kigawm ding kigeel hi. Conference kibat lohna hangin lemthei lo in, April 2017 Karen-Zomi group khat aa din ding kithukim hi. September 22, 2019 ciang Kampau kibat lohna hangin Zomi group in atuam in kikhop ding Karen tetawh kikhen sat in, November 2, 2019 Zomi pau tawh akituam khop masak pen hipah hi. 2020 in KYTN conference in company khat in hong ciamteh uh hi. September 14, 2021 ah Church status conference in hongpia ta hi. Church status recognized pen Covid-19 hangin January 28, 2023, kum ah kinei thei pan suak hi. Tulaitak in Sia Pau Suan Khai in pawlpi amakaih laitak hi.